मार्केटिङ भनेको त्यस्तो कुरा हो, जुनसुकै कम्पनी, ट्रेडिङ अफिस वा अन्य ब्यवसायिक संस्थाहरुको लागि तरवारको धार, सियोको टुप्पो र बन्दुकको गोली जस्तै हो । मार्केटिङमा सामान्यतया चार कुरा मह्त्वपूर्ण हुन्छ । वस्तु, मूल्य, ठाउँ र प्रबर्धन । मार्केटिङको उद्देश्य भनेको कुनै किसिमका वस्तुलाई त्यस वस्तुको सही क्रेता समक्ष पुरयाउनु हो । क्रेता समक्ष पुरयाउनको लागि अपनाइने सूत्रहरु जस्तै बिक्री, सार्वजनिक सम्बन्ध, मूल्य,प्याकिङ, बितिरण, सेमिनार, ट्रेड सो, आदी । तपाईं मार्केटिङ गर्दै हुनुहुन्छ भने, तपाईंमा सहनीयपन अनिवार्य हुन जान्छ । क्रेतामा तपाईंको प्रभाव पर्नुपर्ने हुन्छ, वार्तालाप गर्ने क्षमता र सही क्रेता छान्न ढिलाई गर्नु हुँदैन । तपाईंसँग वस्तु विवरण पर्याप्त मात्रामा हुनुपर्छ ।
मार्केटिङको कुनै सूत्र हुँदैन तर लक्ष्य बिना मार्केटिङ गर्न सकिदैन । मार्केटिङमा जे जुक्ति लगाउनु हुन्छ, त्यस्मा तपाईं आँफै विश्वशत हुनुहोस्। एुटै वस्तुलाई फरक फरक तरिकाले बिक्री गर्न सकिन्छ। तपाईंको एुटा मात्र फरक बिचारले अथवा नयाँ कुराले क्रेता तपाईंको वस्तु किन्न तयार हुन्छ।
